Աբովյան քաղաքի Վ. Համբարձումյանի անվան թիվ 10 հիմնական դպրոցի տնօրեն Անահիտ Ստեփանյանի շնորհավորական ուղերձը«Վերջին դաս» միջոցառման կապակցությամբ

Սիրելի՛ աշակերտներ, ուսուցիչնե՛ր, հարգելի՛ծնողներ,

Ամենաջերմ բարեմաղթանքներով շնորհավորում եմ բոլորիս այս հրաշալի գարնանային տոնի՝ «Վերջին դասի» կապակցությամբ: Այսօրը անցածտարին արժևորելու և ապագան ուրվագծելու հնարավորություն է ընձեռում: Կոտայքի մարզում մանկավարժական և աշակերտական համակազմով ամենամեծ դպրոցը եղել և մնում է լավագույն կրթական օջախներից մեկը, ուր ուսուցչի անմնացորդ նվիրումի,անթաքույց սիրո, զգոն հայացքի ներքո կրթվում և դաստիարակվում են մեր սաները, ովքեր ՀՀ արժանապատիվ քաղաքացիներն են՝ կայուն, հարուստ գիտելիքներով, ազգային ինքնությամբ:

Վստահաբար փաստումեմ, որ Աբովյան քաղաքի Վ. Համբարձումյանի անվան թիվ 10 հիմնական դպրոցում պատվով է իրականացվում սերունդների ուսուցման, դաստիարակության առաքելությունը: Համոզված եմ, որ պետության զորակցությամբ,մեր բոլորի համատեղ ջանքերով դպրոցի ապագան լինելու է առավել լուսավոր, ավելի արգասաբեր:

Իմ սիրելի՛ շրջանավարտներ, կարևորելով կայուն գիտելիքներով, վեհ ու վսեմ արժեքներով օժտված սերնդի դերը բարեկեցիկ հասարակության կերտման գործում, շնորհավորում եմ ձեզ, ձեր ծնողներին, ուսուցիչներին, մաղթում երջանկություն, անսպառ եռանդ, ամենայն բարիք, նվիրական երազանքների իրականացում:

Արժանապատվորեն կրելով ՀՀ ազգային հերոս, հանճարեղ գիտնական Վ. Համբարձումյանի անվան թիվ 10 հիմնական դպրոցի շրջանավարտի կոչումը՝ միշտ բա՛րձր պահեք հարազատ կրթօջախի վարկանիշը, եղե՛ք բարեկիրթ, հայրենասեր և գնահատե՛ք գիտելիքը, դպրոցը, ընտանիքը, հայրենիքը:

Բարին ընդ ձեզ:

Հարգանքով՝ Անահիտ Ստեփանյան

25.05.2018թ.

Ողջու՛յն մեր կայքի այցելուներին

Welcome to Armenian Schools Sites.

Հարգելի բարեկամ, ողջունում ենք Ձեզ Հայաստանի Հանրապետության Կոտայքի մարզի Աբովյան քաղաքի Վ.Համբարձումյանի անվան №10 հիմնական դպրոցի պաշտոնական կայքում: Հուսով ենք, որ այստեղ կգտնեք դպրոցի վերաբերյալ Ձեզ հետաքրքրող կարևոր տեղեկություններ:

Կայքի միջոցով կարող եք ծանոթանալ դպրոցի կառուցվածքին, պատմությանը, մանկավարժական, աշակերտական համակազմին, դպրոցի անցուդարձին, մեր ձեռքբերումներին:

Մեր նպատակը բաց և հրապարակային աշխատանքն է:

Հարգելի՛ այցելու, Ձեր ակտիվ մասնակցությամբ կարող եք օգտակար լինել դպրոց-համայնք, դպրոց-ընտանիք, դպրոց-ծնող, դպրոց-աշակերտ կապի ամրապնդմանը՝ արդյունավետ համագործակցության ակնկալիքով`

Աբովյան քաղաքի Վ.Համբարձումյանի անվան №10 հիմնական դպրոց